Thursday, January 31, 2013

"ශ්‍රී සිද්ධාර්ථ ගෞතම"



අඩ අඳුර තුළ
සුමුදු දෙතොලක
සුවඳ කෙසක
සුසුම් පොදක
මුදු තිඹිරි
යුවල'තර
පසක් කර
සත්‍යය

Monday, January 28, 2013

කොපු..!

නසන
තනන
දෙකටම
ආවැසි
කොපු
හැ‍ඟෙන
දැනෙන
අවැසි තැනෙක
සෘජු විය යුතුය
පුරුෂ ලිංගයක්

Saturday, January 26, 2013

ජය හෙළදිව වන්නම..

(සිංහල උඩරට නර්තන සම්ප්‍රදායේ එන සැවුළා වන්නමේ නාදරටා අනුව රචනා කොට ඇත)


මාත්‍රා :  1 2 / 1 2 3 / 1 2 / 1 2 3

තානම : 
තම් තම් දන තානාම් දන තම් දන තානාම්
තම් තම් දන තානාත් තෙයි තම්ද......... නාතම් ද නා නා.....

හෙළ හිරු තෙද ‍රැන්දූ... දස බල ‍රැස බැන්දූ
ලෝ තුළ නම ‍රැන්දූ සිහ... ලුගෙ හෙළ දී...පේ......

රට රකින්න හැකිද බොලව් කල්ලි වලට බෙදිලා.........?


බිඳිව් තම කඳ සිතව් එකලෙස රකින්නට මිනිසත් බලේ
නසව් ඊර්ෂ්‍යා මාන වෛරය නගව් ගත ඇති සිංහ ලේ
සිතව් දෙවරක් නොව දහස්  වර එකයි පැහැ ගත දුවන ලේ
ගනිව් දනයිනි සිහල  කගපත් රකින්නට දෑ සිංහලේ

හෙන ගැහිලද තොපෙ සිරසට මේ ගැන නොසිතන්නේ
මහ ජාතිය ඇයි නුඹලා මේ හැටි බය වෙන්නේ
වලකපන්න නුඹලාමයි උන්ට බාර දුන්නේ
පැනයන්නට පෙර අසු ඉස්තාලය වහ පන්නේ

Wednesday, January 23, 2013

"අන්සතු නොවේවා මගෙ ලක් දෙරණ මතූ



මතු මතු ඉපිද දිවි සරි කරගන්න සිතූ
පිහිටා පසඟ වැඳ සිප තුන් සරණ පැතූ
නන්දෙස දනන් ගැන එක මව් සිතින් සිතූ
අන්සතු නොවේවා මගෙ ලක් දෙරණ මතූ

පෑව ලෙවන් හට නිති සුව මෙත් කරුණා
සමනොළ පියවුරෙන් මුදිතා ගුණ පෙරුණා
මහවැලි කැලණි කළු වලවේ ගං පිරුණා
ඒ කිරි දසත කෙත් ගොයමේ කිරි වැදුණා

වීථි දිගේ දිවි සරනා මනු සත්තූ..........!!




ඉපදුණ පවට දුක් උහුළන බෝසත්තු
වසවතු සමඟ යුධ වැද ජය අරගත්තු
නෙක නෙක දනගෙ සොඳ කරුණා ලැබ ගත්තූ
වීථි දිගේ දිවි සරනා මනු සත්තූ

මහල් දෙමහලින් සැදි මනරම් මැදුරූ
දැසිදස් යාන වාහන පලසින් ඇතිරූ
කට දිව පිනන රස ආහර, නැත සොඳුරූ
බල රඟ රඟන යාචක මහරූ අයුරූ

Wednesday, January 16, 2013

ලාබායි..... ලාබායි.....
දැන් විකිණේ........
.
.
තරාදියක්,
කඩුවක්,
දෙවඟනක්

Sunday, January 13, 2013

වෙරෝනිකා මැරෙන්න තීරණය කරයි...


සෙල් ලිපියක තියෙන
අකුරු වැලක් මෙන්
ඔබ අපැහැදිලියි
වෙරෝනිකා...
හිම කීරි ගැහෙන
හීතලට
එක සුසුම් පොදක්
උණුහුම් වෙන්න මදිබව
ඔබට හැගෙනවද?
වෙරෝනිකා...

On line දේශ ප්‍රේමියෝ

රට ජාතිය ආගම
වෙනුවෙන්
දිවි පුදන
පුරන් අප්පු
කැප්පැටිපොළ
මද්දුමබණ්ඩාර