සහස් සුවහස් කල් පිරූපෙම

කුමට දහසක් දෙනෙත් පොපියන
නොමැතිනම් ඔබෙ රුව දකින්නට
හමන මදනල සමඟ මිතුරුව
ගයන ගීතය තනුව කිවමැන
සහස් සුවහස් කල් පිරූපෙම

අහිමි වන විට දෙනෙත් අභියස
තවත් කුමකට ගයනු පෙම්ගී
කඩාලමි පෙම් පිරුණු හදවත

දකින නොදකින නිමේශයකට
නොහැකිනම් සිත ඔබෙන් මිදුමට
එයද වලකනු රිසිව නැග එන
උමතුවෙන් සැරිසරමි තැන තැන
සතුට උතුරපු දෙනෙත් මත නැත
සතුට,කඳුළුය ඉවුරු බිඳ එන
දැවෙනු වාගෙයි සිරුර ගිනිගෙන
හඬන හදවත අස්වසාලන
ඔබේ හඬ නැත සොයමි තැන තැන
ඔබත් අහිමිව පෙමත් අහිමිව
ඵලක් නැත තව සිතක් ‍රැකගෙන
යලිත් ඉපදෙමි ඔබ පතාගෙන
පතමි සතුටම තුටින් ඉනු මැන

^සූ